საქართველოს მთავრობას აკრიტიკებენ, რატომ არ უკეთებენ ყველას მყისიერ ტესტირებასო და ამერიკაში ტრამპი საკუთარი ტესტის პასუხს ორი დღე ელოდა, – ამის შესახებ Facebook-ზე საქართველოს ეროვნული ბანკის ყოფილი პრეზიდენტი, ირაკლი მანაგაძე წერს.
„ამ წუთას აკრიტიკებენ საქართველოს მთავრობას, რატომ ყველას მყისიერ ტესტირებას არ აკეთებენო და დააგვიანესო… ამ დროს აქ, ბრიტანეთში ხელისუფლება გვეუბნება – თუ გაქვთ ეჭვი კორონავირუსზე, ექიმი არ ნახოთ, არც დარეკოთ, უბრალოდ მითითებულ ვებგვერდზე შედით, როგორ მოიქცეთ, იქ აღწერილიაო და იჯექით სახლში შვიდი დღეო, სხვა ვერაფრით დაგეხმარებითო. ტესტს საერთოდ არც ახსენებენ. ამერიკაში ტრამპი ორი დღე ელოდა პასუხს თავის თავზე და ახლა იწყებენ მუშაობას, რომ ტესტების რაოდენობის გაზრდა შეძლონ. ეს ისე შედარებისთვის…“, – წერს მანაგაძე.