საპარლამენტო უმრავლესობა შესაბამისი დარგების მიხედვით აქტიურად არის ჩართული Covid-19 თან ბრძოლაში. ჩვენ მუდმივ კომუნიკაციაში ვართ მთავრობის წევრებთან. ვმსჯელობთ იმ მთავარ გამოწვევებზე, თუ როგორ დავიცვათ ჩვენი მოქალაქეების ჯანმრთელობა და სიცოცხლე. ასევე, ვმსჯელობთ ეკონომიკურ საკითხებზე, როგორი უნდა იყოს პოსტეპიდემიური საქართველო”, – საპარლამენტო უმრავლესობის წარმომადგენელმა, ირაკლი სესიაშვილმა ტელეკომპანია „TV პირველის” ეთერში განაცხადა.
მან ივანიშვილების ოჯახს მორიგი ქველმოქმედებისთვის მადლობა გადაუხადა.
„ფონდმა „ქართუმ” თავიდანვე გააკეთა განაცხადი, რომ ეპიდემიის პროცესში იქნება მუდმივ მზაობაში, საჭირო თანხა მიმართოს და მხარი დაუჭიროს სახელმწიფოს. პრემიერმა დღეს გააკეთა განცხადება, რომ ფონდი „ქართუ” და ივანიშვილების ოჯახი ერთგვარად დაზღვევა არისო და ეს ასეცაა.
ჩვენ მოვუწოდოთ მსოფლიოში იმ წარმატებულ ქართველებს, ვინც თავისი საქმიანობით მნიშვნელოვანი ბიზნესი განახორციელა. მათაც შეუძლიათ, ჩაერთონ ამ აქციაში. დღეს არის ვითარება, როცა, ერთი მხრივ, ვებრძვით ეპიდემიას მთელს მსოფლიოსთან ერთად. მეორე არის ის, რომ რაც შეიძლება მალე გამოვიდეთ ამ კრიზისიდან, მოკლე ვადებში შევძლოთ ეკონომიკის აღორძინება და განვითარება. ამ პრობლემამ შეიძლება ჩვენ კიდევ უფრო მეტად გაგვიხსნას კარი, რომ სხვა დონის შესაძლებლობებზე გადავიდეთ. ჩვენი ქვეყნის იმიჯმა ძალიან იმატა საერთაშორისო საზოგადოების თვალში, რაც ძალიან მნიშვნელოვანია. ამას უნდა მივაბათ სწორი ეკონომიკური პოლიტიკა პოსტეპიდემიურ ცხოვრებაში და შესაძლოა, სულ სხვა განზომილებაში გავიდეთ. ამ ვითარებაში ერთ-ერთი მთავარი ამოცანაა სტრატეგიული კომუნიკაცია როგორც საკუთარ მოსახლეობასთან, ასევე საერთაშორისო საზოგადოებასთან”, – აღნიშნა ირაკლი სესიაშვილმა.