ჭიათურის მუნიციპალიტეტში კორონავირუსით ინფიცირების შემთხვევა დაფიქსირდა. სოფელ ითხვისში ახალგაზრდა მამაკაცი ოჯახში თბილისიდან იყო ჩასული და ექვს აპრილს მეზობლის სამძიმარზე იმყოფებოდა.
როგორც ინფიცირებულმა მამაკაცმა “კურიერთან” საუბარში განაცხადა, ის მხოლოდ სამძიმარზე იმყოფებოდა და სარიტუალო სუფრას არ დასწრებია. მისი ინფორმაციით, შეხება ჰქონდა მეზობლებთან, თუმცა კონტაქტების რაოდენობა ბევრი არ არის.
მამაკაცს ვირუსი გუშინ დაუდასტურდა, ის თბილისში რესპუბლიკურ საავადმყოფოშია მოთავსებული. მისი თქმით, დაინფიცირების წყარო უცნობია. პაციენტის განცხადებით, სწრაფი ტესტით შეამოწმეს მისი ოჯახის წევრიც და რომელსაც ვირუსი დაუდასტურდა. რაც შეეხება მეზობლებს, ისინი, სავარაუდოდ, თვითიზოლაციაში არიან.
სოფელში ეპიდემიოლოგები მუშაობენ და გამოვლენილია კონტაქტები. იმერეთის გუბერნატორის თქმით, ჭიათურაში ჯერჯერიბოთ ზომების გამკაცრება არ იგეგმება.