ქარელში “ქართული ოცნების” წევრები სისხლის უანგარო დონაციის აქციას შეუერთდნენ

დევნილთა, შრომის, ჯანმრთელობისა და სოციალური დაცვის სამინისტროს ინიციატივას სიხლის უანგარო დონაციის შესახებ ქარელის მუნიციპალიტეტის მერიის, საკრებულოსა და „ ქართული ოცნება -დემოკრატიული საქართველოს” წევრებიც შეუერთდნენ.
ქარელის მუნიციპალიტეტის მერის, ზაზა გულიაშვილის განცხადებით, კორონავირუსსის გავრცელების გამო დღეს ქვეყანაში სისხლის მარაგი აუცილებელია, შესაბამისად, ჯანდაცვის სამინისტროს ინიციატივა სისხლის უანგარო დონაციის თაობაზე, მოსახლეობისთვის სასიცოცხლოდ მნიშვნელოვანია.
„ქართული ოცნების პოლიტიკური გუნდი გამოეხმაურა ჯანდაცვის სამინისტროს მოწოდებას, რომ გავიღოთ სისხლი და გადავარჩინოთ ჩვენი თანამოქალაქეები და ჩვენც შევუერთდით ამ მოწოდებას. მიღებული გვაქვს ჯანდაცვის სამინისტროდან რეკომენტაციები და ამ რეკომენდაციების სრული დაცვით გავიღებთ სისხლს მოსახლეობის გადასარჩენად და იმედია, ჩვენს მოწოდებას სხვა მუნიციპალიტეტებიც შეუერთდებიან.
ამ აქციაში ჩართულები არიან მუნიციპალიტეტის თანამშრომლები, საკრებულოს თანამშრომლები, ასევე, აქტივი და რიგითი მოქალაქეები, რომელთაც გამოთქვეს აქციაში ჩართვის სურვილი“, – განაცხადა ზაზა გულიაშვილმა.
„ეს იყო ჯანდაცვის სამინისტროს ინიციატივა, რომელსაც შეუერთდა „ ქართული ოცნება -დემოკრატიული საქართველოს გუნდი“. უანგაროდ გავიღებთ სისხლს დღევანდელი სიტუაციიდან გამომდინარე. ჩართულები არიან, გარდა პოლიტიკური გუნდისა, ასევე, რიგითი მოქალაქეებიც“, – განაცხადა ქარელის მუნიციპალიტეტის მერის პირველმა მოადგილემ, ვლადიმერ სულაქველიძემ.
ცნობისთვის სისხლის უანგარო დონაციის აქციას რამდენიმე დღის წინ “ქართული ოცნების” წევრები ყვარელსა და გორშიც შეურთდნენ.