რუსეთის ქალაქ სანქტ-პეტერბურგში, ერთ-ერთ რესტორანში 12 პირი დააკავეს, მათ შორის იყო აფხაზეთში მცხოვრები „კანონიერი ქურდი”, 45 წლის ალხას აგრბა, მეტსახელად „ალხას გუდაუტსკი“. ამის შესახებ გამოცემა „პრაიმ კრაიმი“ იუწყება.
ალხას აგრბას ჩხრეკის დროს ნარკოტიკული საშუალება აღმოაჩნდა. მისი რაოდენობის გათვალისწინებით მას 10 წლამდე პატიმრობა ემუქრება.
„პრაიმ-კრაიმის“ ინფორმაციით, „ალხას გუდაუტსკიმ“ საერთო ჯამში ციხეში 15 წელი გაატარა. სასჯელს ის, ძირითადად, ნარკოტიკების შენახვისთვის და მოხმარებისთვის იხდიდა.
„ალხას აგრბა თავადაც ნარკოტიკებზეა დამოკიდებული, რის გამოც მისი ავტორიტეტი „ქურდულ სამყაროში” ბოლო დროს ძალზე დაეცა.
კომენტარები