რაც შეეხება ახლო აღმოსავლეთის ქვეყნებს, რა თქმა უნდა, აქ ძირითადი საკითხია კონფლიქტი ახლო აღმოსავლეთში, ჩვენი ორმხრივი სავაჭრო ურთიერთობები, – განაცხადა ნიკოლოზ სამხარაძემ საპარლამენტთაშორისო კავშირის ასამბლეაზე განსახილველ საკითხებზე საუბრისას. ამ თემაზე საგარეო საქმეთა კომიტეტის თავმჯდომარე ჟურნალისტებს ესაუბრა.
„სამეზობლოს ქვეყნებთან ძალიან ბევრი ფორმატი გვაქვს და აქაც კარგი შესაძლებლობაა ინფორმაციის გასაცვლელად, მით უმეტეს, ტომ აზერბაიჯან-სომხეთს შორის სამშვიდობო პროცესი კარგად მიდის. უახლოეს მომავალში სომხეთში არჩევნებია ჩანიშნული, ამიტომ ჩვენი პარტნიორებისგან მივიღებთ ინფორმაციას, თუ რა ხდება ადგილზე“, – აღნიშნა სამხარაძემ.
პარლამენტის თავმჯდომარე სტამბოლში საპარლამენტთაშორისო კავშირის 152-ე ასამბლეაზე დღეს სიტყვით გამოვა. ქართული დელეგაციის წევრებს 10-ზე მეტი შეხვედრა ექნებათ, როგორც პირისპირ ფორმატში, ისე პლენარული დისკუსიების ფარგლებში.