გორის მუნიციპალიტეტიდან ლუგარის ლაბორატორაში გუშინ გაგზავნილი 23 ნიმუშიდან ნაწილის პასუხი ცნობილია, რომელთაგანაც კორონავირუსი მხოლოდ ერთს დაუდასტურდა. ამის შესახებ ჟურნალისტებს შიდა ქართლის ადმინისტრაციაში შექმნილ საგანგებო შტაბში განუცხადეს.
კორონავირუსის ახალი შემთხვევა გორის სამხედრო ჰოსპიტალში დაინფიცირებულ უმცროსი სანიტრის კონტაქტებიდანაა.
ცნობისთვის, ამ დროისთვის გორის მუნიციპალიტეტის ორ სოფელში “კოვიდ 19”-ით დაინფიცირების 6 შემთხვევაა დადასტურებული. ყველა მათგანი გორის სამხედრო ჰოსპიტალში მომუშავე უმცროსი მედდის კონტაქტებია. ინფიცირებულ პირებს შორის ორი არასრულწოვანია. ისინი მკურნალობას თბილისში, ბოჭორიშვილის კლინიკაში აგრძელებენ.
კომენტარები