„რადას დეპუტატებს მადლობა გონიერებისთვის და სწორი გადაწყვეტილებისთვის, რომ მიხეილ სააკაშვილს არ მისცეს ვიცე-პრემიერობის შესაძლებლობა“, – ამის შესახებ თბილისის მერმა, პარტია „ქართული ოცნების“ გენერალურმა მდივანმა, კახა კალაძემ განაცხადა.
ამასთან, მისი თქმით, სკეპტიციზმს იწვევს ის, რაც სააკაშვილს უკრაინაში შესთავაზეს.
„თუმცა რაც შესთავაზეს, სკეპტიციზმს იწვევს ხელისუფლებაში. უკრაინა სტრატეგიული ქვეყანაა, მასთან ურთიერთობები გვაკავშირებს და ვუფრთხილდებით ამ ურთიერთობებს. როგორც საკუთარი ქვეყნის წარმატება გაგვიხარდება, ისე გაგვიხარდება უკრაინის წარმატებაც. თუმცა, გადაწყვეტილება, რომელიც მიღებული იყო, ჩვენ ეს კინო უკვე ნანახი გვაქვს“,-აღნიშნა კალაძემ.
შეგახსენებთ, რომ უკრაინის პრეზიდენტმა ვლადიმირ ზელენსკიმ საქართველოს ყოფილი პრეზიდენტი, ოდესის ოლქის ყოფილი გუბერნატორი მიხეილ სააკაშვილი რეფორმების აღმასრულებელი კომიტეტის თავმჯდომარედ დანიშნა.