გიგა ჭიკაძე წარსულში GLORY ის ლიგასა კიკ-ბოქსინგის წარმატებული სპორტსმენი, მსოფლიოსა და ევროპის არაერთგზის ტიტულოვანი, დღეს UFC ის წარმატებული მებძოლია.
რა გავლემა მოახდინა UFC ზე მსოფლიოში გავრცელებულმა COVID 19-მა, ამ და სხვა საინტერესო კითხვებს უპასუხა გიგამ ჩვენთან საუბარში.
– თქვენი სიტყვები იყო, რომ MMA-ის კლუბში ბატონ რაფაელ კორდეირისთან მხოლოდ იმ მიზნისთვის ვარჯიშობთ, რომ მსოფლიოს ქართული ძალა და სული UFC ში აჩვენოთ . თქვენ ეს UFC ში სადებიუტო დაპირისპირებაში მოპოვებული გამარჯვების შემდეგ შეასრულეთ. მეორე ორთაბრძოლაშიც შეძელით გამარჯვების მოპოვება. როგორი იყო თქვენი კარიერა დასაწყისიდან UFC მდე?
– ვფიქრობ UFC დღესდღეობით საბრძოლო სპორტში არის ყველაზე დიდი ორგანიზაცია და ყველაზე კარგი საშუალება , რომ მთელს მსოფლიოს აჩვენო, თუ როგორი ძლიერი ადამიანები ვართ ქართველები, რა ძალა და შემართება გაგვაჩნია. ჩემი დიდი სურვილი იყო და არის მსოფლიოს გავაცნოთ ქართული სული. რაც შეეხება UFC მდე კარიერას , თავიდან კარატეში ვვარჯიშობდი, შემდეგ კიკბოქსიორი მაგრამ ერთ-ერთი რამაც გადამაწყვეტინა UFC გადავსულიყავი იყო ამ ორგანიზაციის მაშტაბურობა და სიდიდე.ზოგადად საქართველოდან როდესაც ჩამოვედი ამერიკაში კიკბოქსინგს და MMA ერთდროულად ვვარჯიშობდი , ანუ კიკბოქსინგის უმაღლეს ლიგაში ვიღებდი მონაწილეობას რომელსაც GLORY ჰქვია და პარალელურად ვემზადებოდი MMA-თვის. ვდგამდი პირველ ნაბიჯებს MMA კარიერაში და ვემზადებოდი UFC მოსახვედრად. ეს ყველაფერი კი ნამდვილად არ იყო ადვილი, ძალიან რთული იყო, დაახლოებით ორი კურდღლის ერთდროულად დაჭერას ჰგავდა მაგრამ ამ ყველაფერს ჰქონდა თავისი პლუსებიც და მინუსებიც.
– ნანახი გვაქვს დარტყმა, რომელსაც ამერიკაში გიგა-კიკი შეარქვეს და რომელსაც უკვე თქვენი მეგობრებიც იყენებენ…
– ამ დარტყმას დიდი ხანია ვიყენებ, ზოგადად როდესაც კარატეთი ვიყავი დაკავებული, იმ დროს დავამუშავე, შემდეგ კიკბოქსისშიც ძალიან გამომადგა ეს დარტყმა. ეს არის ფაქტობრივად ფანდი , როდესაც თითქოსდა დარტყმას თავის არეში მივმართავ და შემდეგ უკვე ღვიძლის არეში ვაყენებ. მოწინააღმდეგეს ჰგონია, რომ ეს დარტყმა ხორციელდება თავის არეში და ზუსტად ეს არის ფანდი. როგორც იცით ღვიძლი ადამიანის ერთერთი სუსტი წერტილია. ამ დროს, როდესაც მოწინააღმდეგე მოშვებულია და თავს ვერ აკოტროლებს, ძალიან მტკივნეულია. საკმაოდ დიდი ეფექტი აქვს, რაც მრავალჯერ გამოვიყენე. აღსანიშნავია ისიც , რომ ჩემი ძალიან ბევრი გუნდელი ხმარობს ამ დარტყმას, ძალიან ბევრმა ცნობილმა მებრძოლმა, ცნობილ ჩხუბებში მიაღწიეს გამარჯვებებს ამ დარტყმით, ტრადიციულიც კი გახდა, იყენებენ ბრძოლებში ამ დარტყმას, და შემდეგ ინტერვიუებში მადლობებსაც კი მიხდიან , რაც ჩემთვის ძალიან სასიხარულოა. აღსანიშნავია ისიც რომ თქვენს მიერ ხსენებული მწვრთნელი მასტერ რაფაელი, ყოველთვის როცა ჩვენი გუნდელები იბძვიან და დაიძახებს „გიგას“ უკვე მინიშნებაა რომ ეს დარტყმა განახორციელოს. ჩვენ უკვე გიგა-კიკს დავარქვით.
– წლების განმავლობაში, გაეროს ქალთა ორგანიზაციის კამპანიაში „სპორტსმენები ერთიანდებიან ქალთა მიმართ ძალადობის წინააღმდეგ” – იყავით ჩართული, ამ კამპანიაში უცხოელი მეგობრებიც ჩართეთ და მსოფლისო ჩემპიონატი კიკბოქსინგში , რომელიც 2014 წ. თბილისში ჩატარდა , ქალთა მიმართ ძალადობის წინააღმდეგ ბრძოლას მიუძღვენით. გვიამბეთ ამ კამპანიის შესახებ …
– დიახ ამ კამპანიაში 2013 -14 წლიდან ჩავერთე , შემდეგ უკვე მოვახერხეთ და ლიცენზია მოვიპოვეთ , რომ საქართველოში გაგვემართა ეს ტურნირი. ჩემი დიდი სურვილი იყო , რომ ქალთა მიმართ ძალადობის კამპანიისათვის მიგვეძღვნა და ასეც განვახორციელეთ. ვფიქრობ რომ ძალიან სწორი და კარგი ინიციატივა იყო , რადგან იმ დროს ძალიან ბევრი შემთხვევა ფიქსირდებოდა. ჩვენც საზოგადოებას გვერდში დავუდექით.
– როგორ იცავთ თავს COVID -19 ისგან, თვითიზოლაციის პირობებში თუ ახერხებთ ვარჯიშს და რა გავლენა მოახდინა COVID -19 მა UFC ზე ?
– მე ამერიკაში ვარ და აქ ძალიან რთული მდგომარეობაა. კორონა ვირუსის დროს ძალიან რთულია ვარჯიში, ბევრი რამ შეიცვალა, თითქმის ყველა დარბაზი დაიკეტა, მაგრამ მაქვს რამდენიმე დარბაზის გასაღები და მე და ჩემი რამდენიმე თანაგუნდელი მივდივართ და ვვარჯიშობთ. ვგეგმავ ბრძოლებსაც, ამიტომ ფორმაში ყოფნა აუცილებელია. ზოგადად ძალიან გართულდა მწვრთნელებთან ერთად ვარჯიში, მაგრამ ერთ-ორ ადამიანთან ერთად მაინც ვახერხებ. სახლშიც ვვარჯიშობ ჩემი ოჯახის წევრებთან ერთად. ზოგადად UFC -ზეც დიდი გავლენა იქონია, როგორც მსოფლიოში ყველა სპორტზე, UFC-მ რამდენიმე ღონისძიება გააუქმა , მარტში ორი ღონისძიება გაუქმდა, შემდეგ აპრილში ყველა დაგეგმილი ღონისძიება. ახლა ფიქრობენ ბრძოლები 9 მაისს გაგრძელდეს, ოღონდ მაყურებლების გარეშე. ვიმედოვნებ, რომ ქართველებს ჩემგან სასიხარულო სიახლეები ექნებათ.
– თქვენი შვილი ნიტა ჭიკაძე, ლოს-ანჯელესის საერთაშორისო კინოფესტივალის გამარჯვებულია და აქტიურად მისდევს სპორტს. რა გეგემები აქვს ნიტას სამომავლოდ ?
– ნიტას წარმატებამ, ჩვენს ოჯახში ძალიან დიდი სიხარული მოგვიტანა, ზოგადად ძალიან შეგვცვალა ყველა. თავიდან გართობასავით ვუყურებდით, მაგრამ როცა ლოს-ანჟელესის კინო ფესტივალზე გამარჯვებას მიაღწია ყველაფერი ჩვენთვის შეიცვალა. ნიტაც ძალიან თავდაჯერებულია, სამსახიობო კარიერის გაგრძელება სურს. რაც შეეხება ვარჯიშებს, ზოგადად ჰობივით აქვს კიკბონქსინგი, ჩემი დიდი სურვილი იყო ყოველთვის, რომ მას თავის დაცვა შეძლებოდა. ვფიქრობ რომ ნებისმიერი ადამიანისათვის გოგო იქნება თუ ბიჭი სასურველია რომ უნდა შეეძლოს თავის დაცვა.
– გავრცელდა თქვენი ფოტო სნუპ დოგ-თან და სილვესტერ სტალონესთან.
– სილვესტერ სტალონეს ერთ-ერთი ქართველი მხატვრის გამოფენაზე შევხვდი, იგი UFC ერთ-ერთი დამფუძნებელია და UFC დაკავშირებით ვისაუბრეთ. რაც შეეხება სნუპ დოგს , ჩემი მეგობარი რეპერი Wiz Khalif-ია და სნუპი მასთან მეგობრობს. მას რამდენჯერმე შევხვდი და ის ფოტო სნუპის და Wiz ის კონცერტზეა გადაღებული. ძალიან უშუალო ადამიანია და მასთან გატარებული ყოველი დღე ჩემთვის ძალიან სასიამოვნო იყო .
– თქვენი მიზანი. – მიზანი რა თქმა უნდა UFC ჩემპიონობაა და არა მხოლოდ ერთ წონით კატეგორიაში.
ესაუბრა ნეტო ბენდელიანი.