სამწუხაროდ, ჰიბრიდული ომის ერთ-ერთ პლატფორმად უკანასკნელ პერიოდში გადაიქცა ჩვენი ქვეყანა, – ასე გამოეხმაურა „ნაციონალური მოძრაობის“ წევრი, ხატია დეკანოიძე გამოცემა Daily Mail-ის მიერ გავრცელებულ ინფორმაციას, რომ ბრიტანული ლაბორატორიიდან კრემლთან დაკავშირებულმა ჰაკერებმა, რომლებიც საქართველოში იმყოფებიან, საიდუმლო სამედიცინო ინფორმაცია მოიპარეს.
მისი თქმით, საგანგაშოა, როდესაც გამოცემა ზუსტად მიუთითებს, რომ ჰაკერების ჯგუფი მუშაობდა საქართველოდან, მისივე განმარტებით, ეს ეს ნიშნავს იმას, რომ სამწუხაროდ, ამ ჰიბრიდული ომის ერთ-ერთ პლატფორმად უკანასკნელ პერიოდში გადაიქცა ჩვენი ქვეყანა.
„ჰიბრიდული ომი, რომელსაც დასავლეთისა და მთელი მსოფლიოს წინააღმდეგ პუტინი, კრემლი, რუსული სპეცსამსახურები აწარმოებენ, ზუსტად ასეთ და მსგავს მეთოდებს იყენებენ იმისთვის, რომ ადამიანების ცნობიერებაში შეაღწიონ, ინფორმაცია მოიპოვონ, დეზინფორმაცია გაავრცელონ და ეს ინფორმაცია გამოიყენონ, როგორც პროპაგანდა. ჰიბრიდული ომი მნიშვნელოვანი გამოწვევა და საფრთხეა ცივილიზებული სამყაროსთვის. განსაკუთრებით საგანგაშოა, როდესაც გამოცემა ზუსტად მიუთითებს, რომ ჰაკერების ჯგუფი მუშაობდა საქართველოდან. რას ნიშნავს, ეს? – ეს ნიშნავს იმას, რომ სამწუხაროდ, ამ ჰიბრიდული ომის ერთ-ერთ პლატფორმად უკანასკნელ პერიოდში გადაიქცა ჩვენი ქვეყანა.“, – განაცხადა ხატია დეკანოიძემ.