“ქართული ოცნების” წევრის, ირაკლი კობახიძის განცხადებით, მმართველი გუნდი ელჩებისგან ელოდება ზუსტ განმარტებას თუ რას შეეხებოდა 8 მარტს დადებული შეთანხმება.
კობახიძის თქმით, ოპოზიცია საკონსტიტუციო ცვლილების ჩაგდებით საზოგადოებას ემუქრება და თუ ეს მოხდა, პასუხისმგებლობა მთლიანად მათ დაეკისრებათ.
“თუ ოპოზიცია ემუქრება საზოგადოებას, რომ ის ჩაშლის საკონსტიტუციო ცვლილებებს თუ არ გათავისუფლდება სამი პირი, ეს იქნება, ბუნებრივია, მთლიანად მათი პასუხისმგებლობა. აქედან გამომდინარე, ჩვენ მივიღეთ პრევენციული ზომა იმისთვის, რომ ეს ასე არ მოხდეს. საზოგადოებას ისინი ემუქრებიან, თუმცა დიდი იმედი გვაქვს, რომ ეს მუქარა ვერ იქნება შედეგის მომტანი. ამასთან დაკავშირებით არის ჩვენი თხოვნა მიმართული ელჩების მიმართ.
თუ პროცესი ისე წარიმართება, როგორც უნდა წარიმართოს, ამ შემთხვევაში, ბუნებრივია, ოპოზიციას ვერ ექნება ვერავითარი რესურსი, რომ მან შეასრულოს ის მუქარა, რომელიც გამოხატეს საზოგადოების მიმართ,” – აღნიშნა ირაკლი კობახიძემ.