გურჯაანის რაიონულმა სასამართლომ 58 წლის კაცი, რომელსაც პროკურატურა ძმის შვილიშვილის, 6 წლის გოგოს მიმართ გარყვნილ ქმედებაში ადანაშაულებდა, უდანაშაულოდ ცნო.
პროცესი გურჯაანის რაიონულ სასამართლოში გაიმართა და 2 არასრულწლოვანის ჩვენების გამო, სასამართლომ აღნიშნული ჩვენებები მტკიცებულებებად არ მიიჩნია.
“სასამართლომ საქმეზე გამოიტანა გამამართლებელი განაჩენი , რადგან 2 არასრულწლოვანის ჩვენება არ გაიზიარა“, – განაცხადა დაზარალებულის ადვოკატმა,შალვა მჭედლიშვილმა.
დაცვის მხარე სასამართლოს გადაწყვეტილებას, განჩინების ჩაბარების შემდეგ გაასაჩივრებს.
არსებული ინფორმაციით, შემთხვევა 1 წლის წინ, ლაგოდეხის მუნიციპალიტეტის ერთ-ერთ სოფელში მოხდა და გარყვნილი ქმედების გამო, 58 წლის მამაკაცი დააკავეს. ბრალდებულს აღკვეთის ღონისძიების სახით, პატიმრობა ჰქონდა მისჯილი, თუმცა 9 თვის ვადაში განაჩენი არ დადგა და კანონმდებლობით ბრალდებული გირაოს სანაცვლოდ გათავისუფლდა. 58 წლის კაცს ბოლო დროს სასამართლო პროცესებზე სახლიდან დადიოდა.