ზედმეტი ზეწოლა ხდება იმ ექიმებზე, რომლებიც ჩვენს პაციენტებზე ზრუნავენ. ვინაიდან საკმაოდ არაკორექტულია მათ მიმართ გამოთმული პრეტენზიები, მე ვთვლი, რომ ერთხელ და სამუდამოდ უნდა შეწყდეს მსჯელობა და კამათი ამ თემაზე და ეს ფაქტი მივიღოთ შემდეგნაირად: მსოფლიოში ბევრად უფრო მეტი ექიმი დაინფიცირებულა და ისინი სამსჯავროზე არ გამოუტანიათ. აქედან გამომდინარე, ჩვენ უნდა დავტოვოთ ექიმები თავიანთ სივრცეში, იმ ბრძოლაში, სადაც ისინი იბრძვიან პაციენტებისთვის და ნუღარ გავაკრიტიკებთ მათ-ამის შესახებ ჯანდაცვის მინისტრმა იმედის გადაცემა „ღია ეთერში“ ექიმების დაინფიცირების შესახებ დასმული კითხვის საპასუხოდ განაცხადა.
ეკატერინე ტიკარაძის თქმით, ყველა ის ზომა, რომელიც მისაღები იყო იმისთვის, რომ ეს არ მომხდარიყო ან არ განმეორდეს, ჯანდაცვის სამინისტროს მხრიდან შესაბამისი ღონისძიებები განხორციელდა და ეს ექიმები გადიან შესაბამის მკურნალობას.
„ინფიცირებული ექიმების რიცხვი არ აღემატება 100-ს და ეს არის საკმაოდ დაბალი რიცხვი იმასთან მიმართებში, ვიდრე ეს არის სხვა ქვეყნებში. იყო ხშირი შემთხვევები, როდესაც ექიმები არ დაინფირებულან სამუშაო ადგილებზე და ეს ფაქტიც გასათვალისწინებელია და მხოლოდ პროფესიით არ უნდა მოხდეს მათი აღრიცხვა. ხშირ შემთხვევაში ინფიცირების წყაროები იყვნენ მეზობლები, მეუღლეები და ა.შ. აქედან გამომდინარე, ეს მოლოდინი არ შეესაბამება იმ მოლოდინს, რაც ოპოზიციაშია, თითქოს ეს ექიმები სამუსაო ადგილებზე ინფიცირდებიან“, – აღნიშნა მინისტრმა.