შოთა რეხვიაშვილი: მინდა, მარნეულის მოსახლეობას მადლობა გადავუხადო

„დიდი მადლობა მინდა, გადავუხადო მარნეულის მოსახლეობას, რომ მოკლე დროში ძალიან კარგი შედეგი მივიღეთ – ამის შესახებ სახელმწიფო რწმუნებულმა ქვემო ქართლის მხარეში, შოთა რეხვიაშვილმა მარნეულის მუნიციპალიტეტში შეზღდუვების მოხსნაზე საუბრისას განაცხადა.
რწმუნებულის თქმით, ადგილობრივმა მოსახლეობამ ვირუსის გავრცელების პრევენციისას დიდი როლი ითამაშა და მოქალაქეთა მაღალი პასუხისმგებლობის გარეშე აღნიშნული შედეგი რეგიონში ვერ მიიღწეოდა.
„დღეს დილიდან მარნეულის მუნიციპალიტეტში საკარანტინე შეზღუდვები მოიხსნა. ადგილობრივ მოსახლეობას შეუძლია თავისუფლად გადაადგილება საქართველოს მასშტაბით. ამ შედეგამდე მოსვლას საკმაოდ ფორსმაჟორული სამუშაოები უძღვოდა წინ და, ბუნებრივია, პირველ ყოვლისა, მოსახლეობის მხარდაჭერის გარეშე ეს შედეგი ვერ მიიღებოდა. დიდი მადლობა მინდა, მოსახლეობას გადავუხადო და მივულოცო ეს შედეგი. მარნეულში პრაქტიკულად გავრცელება არ არის. ეს დღეები, რაც ფიქსირდება ერთეული შემთხვევები არის ცნობილი კლასტერთან დაკავშირებული, სადაც ოჯახები თვითიზოლაციაში ან კარანტინში იმყოფებოდნენ”, – განაცხადა შოთა რეხვიაშვილმა.