სავარაუდოდ დღეს საუბარი იქნება ერთობლივ განცხადებაზე, შეიძლება საუბარი დავიწყოთ შეთანხმებაზე მაჟორიტარულ კანდიდატებთან მიმართებაში, რომ ერთმანეთის კონკურენტები არ გავხდეთ, – ამის შესახებ „გირჩის“ ლიდერმა ზურა ჯაფარიძემ განაცხადა.
მისი თქმით, ოპოზიციურ პარტიები არჩევნებზე დამოუკიდებლად უნდა გავიდნენ. მისივე განცხადებით, ახლა მთავარი საკითხია მაჟორიტარობის კანდიდატებზე შეთანხმება და რადიკალური რეფორმების განხილვა.
„რაც შეეხება სხვა საკითხებს, არარეალური მგონია, რომ ყველა ამ პარტიებიდან კოალიცია გამოვიდეს. მგონია რომ პარტიები დამოუკიდებლად უნდა გავიდნენ არჩევნებზე.
არსებითი მგონია, რომ შეთანხმება იყოს პრინციპულ საკითხებზე, იმასთან დაკავშირებით, რომ როდესაც ვცვლით ხელისუფლებას, ამის მერე რას ვაკეთებთ ერთად კოალიციურ მთავრობაში.
მე მჯერა რომ შეთანხმება შეიძლება მოხდეს – ერთი მაჟორიტარებზე და მეორე თემებზე.
მგონია რომ ქვეყანას სჭირდება რადიკალური რეფორმები და პატარ-პატარა კოსმეტიკური ნაბიჯები“, – განაცხადა „გირჩის“ ლიდერმა.
ამ წუთებში, „ლეიბორისტული პარტიის“ ოფისში ოპოზიციური ლიდერების შეხვედრა მიმდინარეობს