არასრულწლოვანთა პორნოგრაფიის საქმეზე ბრალდებულთა ნაწილს საპროცესო შეთანხმება გაუფორმდება, – ამის შესახებ ბრალდებულების ადვოკატმა, სალომე კალაიჯიშვილმა განაცხადა. ადვოკატის თქმით, საპროცესო შეთანხმება მისი დაცვის ქვეშ მყოფ სამ პირს გაუფორმდება.
„მ.ც. – ექვს წელსა და სამ თვეს გაატარებს პენიტენციურ დაწესებულებაში, ხუთი წელი ჩაეთვლება პირობით მსჯავრად და გადაიხდის ჯარიმას 20 000 ლარს. გ.ბ. – ოთხ წელს და ოთხ თვეს გაატარებს პენიტენციურ დაწესებულებაში და ხუთი წელი ჩაეთვლება პირობით მსჯავრად. ბ.ც. – ოთხ წელს და ოთხ თვეს გაატარებს პენიტენციურ დაწესებულებაში და ხუთი წელი ჩაეთვლება პირობით მსჯავრად“, – განაცხადა სალომე კალაიჯიშვილმა.
ამასთან, ადვოკატი აცხადებს, რომ შესაძლოა, საპროცესო შეთანხმება კიდევ ექვს ბრალდებულს გაუფორმდეს.
შეგახსენებთ, არასრულწლოვანთა პორნოგრაფიის უკანონოდ დამზადება-გასაღებისა და ტრეფიკინგის ბრალდებით გასული წელს 22 პირი დააკავეს. ბრალდებულებს შორის არიან არასრულწლოვანი ბავშვების მშობლები და პედაგოგები.