„ახლა ჩემი ქმარი არის უფრო საქართველო, ვიდრე მარტო მიშა. რა თქმა უნდა აქ მე ველოდები მიშას ჩამოსვლას, მე ვფიქრობ, რომ ის არ დაგვტოვებსჭაობში, თუნდაც ბოლო წამში აუცილებლად ამოგვიყვანს“, – ამის შესახებ საქართველოს ყოფილი პირველი ლედი სანდრა რულოვსი საუბრობს და განმარტავს თუ რატომ არ გაყვა მიხეილ სააკაშვილს უკრაინაში.
„სიყვარულმა მომიყვანა საქართველოში და ნამდვილად შეიძლება თქვა, რომ ახლა ჩემი ქმარი არის უფრო საქართველო, ვიდრე მარტო მიშა. რა თქმა უნდა აქ მე ველოდები მიშას ჩამოსვლას, მე ვფიქრობ, რომ ის არ დაგვტოვებს ჭაობში, თუნდაც ბოლო წამში აუცილებლად ამოგვიყვანს.
მაგრამ ახლა უბრალოდ მისი პოლიტიკური დევნა, რომელიც წლებია ხორციელდება მასზე, ჯერ მოუწია ამერიკაში წასვლა და მე ვიცოდი, რომ იქ დიდხანს არ გაჩერდებოდა იმიტომ, რომ სულით უფრო ევროპელია და არ გავყევი მაშინ და როცა უკრაინაში მოხვდა, უკრაინა დღესაც ომშია.
საკმაოდ რთული ქვეყანაა, თან იქ ყველაფერი იქნებოდა რუსულ ენაზე, განათლება და ა.შ. ჩემმა უმცროსმა შვილმა ცუდად იცის რუსული და არამარტო ენის ბარიერი, არამედ არ უნდა საქართველოს დატოვება, აქ უნდა, რომ იყოს, აქ დაიბადა, აქ ჰყავს მეგობრები, აქ გრძნობს თავს კომფორტულად და მეც მინდა ხელი შევუწყო და მეც აქ მაქვს უამრავი საქმე“, – ამბობს სანდრა რულოვსი „პოლიტიკის ანფასში“.