არჩევნები მოახლოვდა და ქართველი საზოგადოების ყურადღება ამმნიშვნელოვან პოლიტიკურ მოვლენაზეა გადატანილი. გასაკვირი არ უნდა იყოს, რომ ცხელი წერტილი სამეგრელოა. როგორც ამბობენ, სამეგრელოში “ნაციონალურ მოძრაობას” დიდი მხარდაჭერა აქვს, თუმცა, ჩვენი რესპონდენტის თქმით, მეგრელები ადვილადმოსატყუებელი ხალხი არ არიან და სამეგრელოს მოსახლეობას არდავიწყებია “ნაციონალური მოძრაობის” ცხრაწლიანი პერიოდი.
გვესაუბრება სამეგრელო–ზემო სვანეთის სამხარეო ადმინისტრაციის უფროსი, ზუგდიდში “ქართული ოცნების” ცენტრალური საარჩევნო შტაბის ხელმძღვანელი ლაშა გვასალია.
_ ბატონო ლაშა, როგორია წინასაარჩევნო განწყობაასამეგრელოში? ელოდებით მოსახლეობის მაღალ აქტივობას?
_ რა თქმა უნდა, ველოდებით. ხალხი დარწმუნდა, რომ მათი მონაწილეობა არჩევნებში ძალიან მნიშვნელოვანია. ადრეც ვიყავი შტაბის ხელმძღვანელი და წინასაარჩევნო პერიოდში შტაბის მიმართ ასეთი დამოკიდებულება არ ყოფილა. ეს იმაზე მიანიშნებს, რომ არჩევნებში მაღალი აქტივობა იქნება.
_ ამბობენ, სამეგრელოში “ნაციონალურ მოძრაობას” დიდიმხარდაჭერა აქვსო. თქვენ რა ინფორმაცია გაქვთ და, თუ ესმართლაც ასეა, რით ხსნით “ნაციონალური მოძრაობის”მხარდაჭერას რეგიონში?
_ ბევრი არა, მაგრამ ჰყავთ გარკვეული პროცენტი მხარდამჭერებისა. სააკაშვილის რეჟიმის პერიოდში ახალაიებმა და “მამალმა ნაცებმა” საკმაოდ ბევრი ზუგდიდელი და ხობელი ახალგაზრდა დაასაქმეს პენიტენციურ სისტემაში, ჯარში, პოლიციაში. ეს ადამიანები თავიანთი დანაშაულებრივი მოქმედებებით, თავიანთი არასწორი პოლიტიკური მიმართულებით მიბმულები იყვნენ “ნაციონალურ მოძრაობას”.“სამეგრელო თავიდანვე იყო “ნაციონალური მოძრაობის”დასაყრდენი”.
_ ბატონო ლაშა, 2012 წელს სამეგრელოში “ქართულმა ოცნებამ” “ნაციონალურ მოძრაობასთან” არჩევნები წააგო, ირაკლიალასანია როლანდ ახალაიასთან დამარცხდა. ამ ოთხი წლისგანმავლობაში რა გააკეთა “ქართულმა ოცნებამ” იმისთვის, რომ2016 წლის არჩევნებში ზუგდიდში სანდრა რულოვსმა არგაიმარჯვოს? ერთი “ნანინა” წაიმღერა სანდრა რულოვსმამეგრულად და გამოდის, ხვალ ვინმე რომ ჩამოვიდეს ბურკინაფასოდან და საჯაროდ ელარჯი მოამზადოს, ხმა მას უნდამივცეთ?
_ 2012 წელს ჩემ თვალწინ ვითარდებოდა ზუგდიდში სარჩევნო პროცესები, ყველაფერი კარგად ვიცი, რა როგორ მოხდა. იმხანად “ნაციონალურ მოძრაობას” შეეძლო, გაეყალბებინა არჩევნები. მიუხედავად იმისა, რომ ყველაფერი გავაკეთეთ ხალხის ხმების დასაცავად, “ნაციონალურმა მოძრაობამ” მაინც იმარჯვა. ხალხს არსჯეროდა, რომ მონსტრი “ნაციონალური მოძრაობა”დამარცხდებოდა. 2012 წლის წინასაარჩევნო პერიოდში ზუგდიდში ადამიანებს აშინებდნენ და ამან გამოიწვია ის შედეგი, რაც მივიღეთ. ბოლო ოთხი წლის განმავლობაში კი “ქართულმა ოცნებამ” ყველაფერი გააკეთა იმისთვის, რომ ხალხი თავისუფალი ყოფილიყო, დამთავრდა სამეგრელოში და სრულიად საქართველოში ძალადობა. არავის მიუკითხავს პედაგოგებისთვის იმის სათქმელად, თუ ჩვენ არ მოგვცემთ ხმას, დაისჯებითო, რაც წინა ხელისუფლების პერიოდში ხშირად ხდებოდა. “ქართული ოცნების” მთავარი მინუსი არის ის, რომ არ ეწევა გაკეთებული საქმეების პიარს. ჩვენ გვინდა, საზოგადოებამ თვითონ დაინახოს ყველაფერი, რაც კეთდება. “ნაციონალური მოძრაობის”პერიოდში დემოკრატია დამოკიდებული იყო ხელისუფლებისკეთილ ნებაზე. ბევრს მეგრელი ისეთი მიამიტი ჰგონია, რადგანსანდრა რულოვსმა მეგრულად ორი სიტყვა თქვა, ხმას მასმისცემს. ეს არ მოხდება, არავინ იფიქროს, რომ “ფოჩიანიკანფეტებით” მოთაფლავს მეგრელ კაცს, მით უმეტეს მაშინ,როდესაც ჩვენი ქვეყნა ყოფნა–არყოფნის ზღვარზეა. სამეგრელომიცის, ვის უნდა მისცეს ხმა; იცის, საჭირო დროს რა ნაბიჯიგადადგას. ერთობლივი შეტევით უნდა დავამარცხოთ“ნაციონალური მოძრაობა”.
_ პოლიტიკური პარტიები წინასაარჩევნოდ ბევრ რამესჰპირდებოდნენ ხალხს, მაგრამ დაპირებების უმრავლესობაშეუსრულებელია. ახლაც ახალი დაპირებებით გსურთხელისუფლებაში მოსვლა. რა მოხდება იმ შემთხვევაში, თუ ესდაპირებებიც შეუსრულებელი დარჩება, მზად ხართ,დაიკისროთ პასუხისმგებლობა?
_ ყველაფერს დრო სჭირდება, 4 წელიწადში ყველა დაპირება ვერ შესრულდებოდა. ასე უცებ ვერ აშენდება ქვეყანა. ცრუ დაპირებას ვერავინ გაცემს, ყველა დაპირებას საქმე მოჰყვება. რა თქმა უნდა, თუ რამე არ შესრულდება, “ქართული ოცნება” მზადაა, დაიკისროს პასუხისმგებლობა.
_ ქართველ ხალხს, მათ შორის სამეგრელოს მოსახლეობას,ახსოვს კასრებში ნაპოვნი ფარული ჩანაწერები, რომლებზეცუამრავი ადამიანის გაუბედურება იყო აღბეჭდილი. სად არიანეს ადამიანები, რატომ არ ისმის მათი პროტესტის ხმა?
_ ჩემთვის ეს კითხვა ძალიან მნიშვნელოვანი და მტკვნეულია. ამ ხნის განმავლობაში, რაც საარჩევნო შტაბს ვხელმძღვანელობ, ძალიან ბევრი დოკუმენტური მასალა და ჩანაწერი ამოვიღე. ვესაუბრები ადამიანებს და შეძრწუნებული ვარ. როგორც კი არჩევნები დასრულდება, აუცილებლად დავწერ წიგნს, რომელშიც აღწერილი იქნება სამეგრელოს მოსახლეობის ყოფა “ნაციონალური მოძრაობის” პერიოდში. უნდა ვაჩვენოთ საზოგადოებას, რა არ უნდა განმეორდეს. კოაბიტაციამ და “ქართული ოცნების” მიდგომამ, რა თქმა უნდა, იმოქმედა იმ ადამიანებზე, რომლებიც დაზარალდნენ. გამომდინარე აქედან, არ ისმის პროტესტი, მაგრამ ნურავის ჰგონია, რომ დანაშაულზე ვინმე თვალს დახუჭავს. პატარა ერი ვართ და უნდა ვეცადოთ, პროცესები სისხლისღვრაში არ გადავიდეს.
_ ბატონო ლაშა, მისაღებად მიგაჩნიათ “ნაციონალურიმოძრაობასთან” კოაბიტაცია “ქართული ოცნების” მხრიდან?
_ ჩემთვის კოაბიტაცია მიუღებელია, მაგრამ “ქართულ ოცნებას”არ უნდოდა დაპირისპირება, სისხლისღვრა და დაძაბულობა.სწორედ ამიტომ მიიღო კოაბიტაციის გადაწყვეტილება. ჩვენ მივეცით საშუალება “ნაციონალური მოძრაობის” წარმომადგენლებს, ჩაბმულიყვნენ ქვეყნის შენების ფერხულში და ჩვეულებრივად ემუშავათ; მივეცით პერიოდი გამოსასწორებლად და დასაფიქრებლად, მაგრამ ვერაფერი შეიგნეს. ხალხი მათ პასუხს არჩევნების საშუალებით გასცემს.
http://geworld.ge/