“არ გავჩერდები, ყველაფერის გავყიდი და სიმართლეს მაინც გავიგებ”, – ამის შესახებ გარდაცვლილი პროგრამისტის, თამარ ბაჩალაიშვილის დედამ, თეონა თამაზაშვილმა განაცხადა. გოგონას დედა მიიჩნევს, გარკვეულ პირებს მისი შვილის ბურუსით მოცული გარდაცვალების საქმის მიჩქმალვა სურთ.
“რაღაცეების მიჩქმალვა და ჩაფარცხვა უნდათ. ვახსენეთ თუ არა ფედერალური ბიურო ეგრევე წაიშალა თამარის “ფეისბუქი”. აქამდე იყო და უცებ წაიშალა, როდესაც ადვოკატი უნდა დასწრებოდა ბავშვის ლეპტოპის გახსნას. ჩემი შვილი იმდენად ჭკვიანი იყო, რომ რაღაც სხვა სისტემებში შეაღწია, სხვა ინფორმაცია მოიპოვა ისეთი, რომლისაც შეეშინდა, ჩვენ დაგვიცვა და თავი გაწირა. 100 პროცენტით დარწმუნებული ვარ, რომ ეს არ იყო თვითმკვლელობა. არ დავიხევ უკან, სტრასბურგშიც გავასაჩივრებ, არ გავჩერდები, ყველაფერის გავყიდი და სიმართლეს მაინც გავგებ, ჩემი შვილის მეორედ სიკვდილს არ დავუშვებ”, – ამბობს თეონა თამაზაშვილი.