თამარ ბაჩალიაშვილის საქმის ახალი მოწმე, მიხეილ იაკობიძე შინაგან საქმეთა სამინისტროში იმყოფებოდა. მის შესახებ გამოძიებას ინფორმაცია ბაჩანა ლობჟანიძემ მიაწოდა.
როგორც იაკობიძე ამბობს, ბაჩალიაშვილს დამოუკიდებლად ეძებდა.
“გამოძიებას აინტერესებდა საიდან ვიცნობდი თამარს და რა ურთიერთობა მქონდა მასთან. განვუმარტე, თამარი იყო ჩემი უნივერსიტეტელი, მას ვიცნობდი 2015 წლიდან.
როდესაც მე შევიტყვე თამუნას დაკარგვის შესახებ, ჩემი ძალებით გავემართე ხაიშის მიმართულებით, იქ, სადაც კამერა ფიქსირდებოდა. მეორე დღეს გავემართე გოლთეთის მიმართულებით, იქაც ვეძებდი, ვერაფერი ვერ ვნახე.
საერთოდ არ ვიცოდი რომელ კომპანიაში მუშაობდა, ვიცოდი, რომ იყო პროგრამისტი,” – განაცხადა მიხეილ იაკობიძემ.
კომენტარები