ჩვენს მოსახლეობას მინდა მოვუწოდო, დაიცვან სოციალური დისტანცია, ასევე დაიცვან ყველა ის ღონისძიება, რომელიც უკვე კარგად ვიცით, – ამის შესახებ საქართველოს ჯანდაცვის მინისტრმა, ეკატერინე ტიკარაძემ საკოორდინაციო საბჭოს სხდომის დასრულების შემდეგ განაცხადა.
მინისტრი მოუწოდებს მოქალაქეებს, კურორტებზე დასვენებისას მაქსიმალურად დაიცვან დისტანცია.
„კაფეებს, რესტორნებს მოვუწოდებ, აქტიურად ითანამშრომლონ შრომის ინსპექციასთან, განახორციელონ ყველა ის ღონისძიება, რომელიც გაწერილია ჩვენი გაიდლაინების მიხედვით, ვინაიდან ეს ყოველივე ჩვენი მოსახლეობის უსაფრთხოებისთვის მნიშვნელოვანია. მოსახლოებას მოვუწოდებ, დასვენებისას დაიცვან ყველა ის საჭირო ღონისძიება, რომელიც მნიშვნელოვანია ვირუსისგან თავის დასაცავად“, – განაცხადა ტიკარაძემ.
კითხვაზე, რამდენად ბევრი დარღვევა ფიქსირდება კერძო სექტორის მხრიდან, მინისტრი აცხადებს, რომ დღიურად, დაახლოებით 20-მდე დარღვევა ფიქსირდება.