სინოპტიკოსების პროგნოზით, საქართველოს ზოგიერთ რაიონში 19 აგვისტომდე ხანმოკლე წვიმა და ელჭექია მოსალოდნელი.
ჰაერის ტემპერატურა დასავლეთ საქართველოს დაბლობში 14-17 აგვისტოს +24, +29 გრადუსი დაფიქსირდება, ხოლო 18 აგვისტოს +27, +32 გრადუსამდე მოიმატებს.
გარემოს ეროვნული სააგენტოს ცნობით, აღმოსავლეთ საქართველოში 14-15 აგვისტოს +26, +31 გრადუსი იქნება, შედარებით აგრილდება 16-17 აგვისტოს და ტემპერატურა +22, +27 გრადუსამდე დაიკლებს, 18 აგვისტოდან კი ისევ +26, +31 გრადუსამდე დათბება.
ამ პერიოდში თბილისში შესაძლოა ხანმოკლე წვიმა აღინიშნოს. ჰაერის ტემპერატურა 14-15 აგვისტოს +30, +32 გრადუსი იქნება, 16-17 აგვისტოს +25, +27 გრადუსამდე დაიკლებს, 18 აგვისტოს კი +29, +31 გრადუსამდე მოიმატებს.
კომენტარები