ქარელში ავტომობილი ქვეითებს დაეჯახა. შემთხვევის შედეგადაც ერთი ადამიანი ადგილზე დაიღუპა, ერთი დაშავებული კი საავადმყოფოშია გადაყვანილი.
როგორც „ინტერპრესნიუსისთვის“ გახდა ცნობილი, მანქანა საცხოვრებელი სახლის წინ მდგომ პირებს დაეჯახა.
შინაგან საქმეთა სამინისტროს ინფორმაციით, საქმეზე გამოძიება მიმდინარეობს სისხლის სამართლის კოდექსის 276-ე მუხლის მე-6 ნაწილით, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.
კომენტარები