თამარ ბაჩალიაშილის სახლში საგამოძიებო ქმედებები ჩატარდა. ბაჩალიაშილების ოჯახის ადვოკატი, მიხეილ რამიშვილი, რომელიც საგამოძიებო ქმედებებს გარკვეულ ზედამხედველობას უწევდა აცხადებს, რომ სამართალდამცველებმა ამოიღეს კომპიუტერთან დაკავშირებული ტექნიკური მოწყობილობები. სავარაუდოდ ამოღებულ ნივთებს შორის ერთ-ერთი როუტერია, რომელიც კონკრეტული მოწყობილობის ინტერნეტთან კავშირს უზრუნველყოფს და შესაძლოა, რომ ეს როუტერი იყოს ძალიან მნიშვნელოვანი ინფორმაციის მატარებელი და ამით შეიძლება დადგინდეს, მოხდა თუ არა თამარ ბაჩალიაშილის კომპიუტერში უკანონოდ შეღწევა.
მიხეილ რამიშვილი აცხადებს, რომ შინაგან საქმეთა სამინისტროს გენერალურ ინსპექციაში დაბარებულია გარდაცვლილი პროგრამისტის მამა, ჯუმბერ ბაჩალიაშილი.
“დაიკითხა ქალბატონი თეონა ,როუტერი წაიღეს, გარდა ამისა დღეს 5-საათზე დაბარებულია შსს-ში ბატონი ჯუმბერი, იმიტომ რომ აქ გაქრკვეული ფაქტები დაფიქსირდა და ვინ არიან ის პირები, რომლებიც ავტომობილებით შემოდიან და მოსახლეობაზე გარკვეულ ზეწოლას ახდენენ” – განაცხადა ადვოკატმა.