„ქართული ოცნების“ გუნდს ძალიან ბევრი აქვს გაკეთებული თითოეული ჩვენი რეგიონისთვის, მათ შორის, დმანისისთვის”

ჩვენ აქტიურად ვიმუშავებთ იმისათვის, რომ აქ ახალგაზრდებს შევუწყოთ ხელი. ის კულტურული ტრადიციები, რომელიც დმანისს ყოველთვის ახასიათებდა კიდევ უფრო განვავითაროთ და ვიმუშაოთ სპორტის განვითარების მიმართულებით და ადგილობრივ სპორტსმენებს კიდევ მეტად ჰქონდეთ თავის წარმოჩენის საშუალება“ – ამის შესახებ  „ქართული ოცნების“ მაჟორიტარი დეპუტატობის კანდიდატმა, გოგი მეშველიანმა განაცხადა დმანისში გამართულ ღონისძიებაზე, სადაც მმართველმა გუნდმა ის ადგილობრივებს წარუდგინა.

„ქართული ოცნების“ გუნდს ძალიან ბევრი აქვს გაკეთებული თითოეული ჩვენი რეგიონისთვის, მათ შორის, დმანისისთვის. ბატონმა გიორგი გახარიამ აღნიშნა, რომ ჩვენ სულ ახლახან მივიღეთ მივიღეთ კანონი მთის შესახებ, რომელიც იყო სამთავრობო და საპარლამენტო გუნდის ერთობლივი შრომის შედეგი და ამ კანონის საფუძველზე დმანისის მუნიციპალიტეტს უკვე სრულად მიენიჭა მაღალმთიანი დასახლებების სტატუსი, ანუ ბოლო ცხრა დასახლებული პუნქტი, რომელსაც არ ჰქონდა ეს სტატუსი ამ კანონის მიღების შემდეგ ისარგებლებს ყველა იმ შეღავათით და ბენეფიტით, რომელიც გათვალისწინებულია და დამეთანხმებით ეს ძალიან მნიშვნელოვანი საქმეა იმისათვის, რომ აქ მცხოვრებმა ადამიანებმა წარმატებით გააგრძელონ ცხოვრება და მოღვაწეობა.

დმანისი ძალიან ბევრი მიმართულებით დაფინანსდა სხვადასხვა სახელმწიფო ფონდებიდან, მათ შორის სოფლის მეურნეობის განვითარების მიმართულებით, ინფრასტრუქტურის განვითარების მიმართულებითა და შეიძლება ითქვას, რომ ძალიან ბევრი საქმეა გადაწყვეტილი. რა თქმა უნდა, ეს ყველაფერი საკმარისი არ არის. ძალიან ბევრი საკითხი გვაქვს კიდევ გადასაწყვეტი და მე გპირდებით, რომ 2020-2024 წელი იქნება განსაკუთრებული მუნიციპალიტეტისთვის და მე გპირდებით ამას იმიტომ, რომ წარმოვადგენ ძალიან დიდ და ძლიერ გუნდს, რომელსაც ბევრი სასიკეთო საქმე აქვს ჩვენი ქვეყნისთვის, ამ მუნიციპალიტეტისთვის, ჩვენი რეგიონისთვის გაკეთებული და კიდევ ძალიან ბევრს გავაკეთებთ. ჩვენ აქტიურად ვიმუშავებთ იმისათვის, რომ აქ ახალგაზრდებს შევუწყოთ ხელი. ის კულტურული ტრადიციები, რომელიც დმანისს ყოველთვის ახასიათებდა კიდევ უფრო განვავითაროთ და ვიმუშაოთ სპორტის განვითარების მიმართულებით და ადგილობრივ სპორტსმენებს კიდევ მეტად ჰქონდეთ თავის წარმოჩენის საშუალება“ – განაცხადა გოგი მეშველიანმა.