ჯანდაცვის მინისტრმა ეკატერინე ტიკარაძემ დღეს განაცხადა, რომ სახელმწიფომ თბილისის ინფექციურ საავადმყოფოს 40 ათას დოლარად შენობა შეუძინა. ამის პარალელურად გავრცელდა ინფორმაცია, რომ კოვიდითა და შიდსით ინფიცირებული სტაციონარული პაციენტების მიღება შეაჩერა. ჯანდაცვის მინისტრმა განაცხადა, რომ თუ ინფექციური საავადმყოფო აივ-პროგრამიდან გავიდა, დაჯარიმდება, რადგან თენგიზ ცერცვაძეს წინასწარი განაცხადი არ გაუკეთებია.
თბილისის ინფექციური საავადმყოფოს დირექტორი, თენგიზ ცერცვაძე ადასტურებს, რომ კლინიკამ კოვიდითა და შიდსით ინფიცირებული სტაციონარული პაციენტების მიღება შეაჩერა.
მისივე თქმით, აღნიშნულის თაობაზე ჯანდაცვის სამინისტროს არაერთგზის ეცნობა.
ამასთან, ცერცვაძე განმარტავს, რომ ჯერჯერობით გრძელდება აივ შიდსით ამბულატორიული პაციენტების მიღება, რადგან აღნიშნული კატეგორიის პაციენტების მომსახურების შეწყვეტა დიდ რყევებს გამოიწვევდა.
თენგიზ ცერცვაძე გადაწყვეტილების მიზეზებს განმარტავს და ამბობს, რომ ის სასიცოცხლოდ მნიშვნელოვანი პირობების არ არსებობას უკავშირდება.„დიახ, ვადასტურებთ, ჩვენ იძულებული ვიყავით, დღეიდან შეგვეწყვიტა „კოვიდ-19“-ით პაციენტებისა და აივ შიდსით სტაციონარული ავადმყოფების მიღება ელემენტარული, აუცილებელი, სასიცოცხლოდ მნიშვნელოვანი პირობების არქონის გამო. ამავე დროს, ჩვენ ამის შესახებ არაერთგზის ვაცნობეთ სამინისტროს. ისიც ვაცნობეთ, რომ ჯერჯერობით ვაგრძელებთ აივ შიდსით ამბულატორიული პაციენტების მიღებას, რადგან ამ კატეგორიის პაციენტების მომსახურების შეწყვეტა გამოიწვევდა ძალიან დიდ რყევებს. გაცილებით მეტს, ვიდრე სტაციონარული ავადმყოფების მიღების შეწყვეტა“, – განაცხადა ცერცვაძემ.
ამასთან, ცერცვაძე აღნიშნავს, რომ ამ თემაზე ჯანდაცვის მინისტრის დღევანდელ განცხადებას არ ეთანხმება. გაგრძელება