ვუყურებ პოლიტიკურ სპექტრის საცოდაობას და აღარც ვიცი, რა ვიფიქრო:
უიმედოდ არის დაზიანებული!, – ამის შესახებ „საზოგადოებრივი მაუწყებლის“ სამეურვეო საბჭოს წევრი ბონდო მძინარაშვილი წერს.
“31 ოქტომბერს პარლამენტის არჩევნებია.
ზუსტად 30 წლის წინ, 28 ოქტომბერს პირველი მრავალპარტიული არჩევნები გაიმართა.
30 წლის შემდეგ კი პოლიტიკურად გამოშიგნული და იდეოლოგიურად კასტრირებული პოლიტიკური ძალები ერთმანეთს ისე უპირისპირდებიან, თითქოს ვერავინ ხვდებოდეს, რომ ამ ორფეხებს არც სამშობლოს ბედი აღელვებთ და არც – სახელმწიფო ინტერესები!
მიხვდებით, ალბათ, ვისაც ვგულისხმობ!..
ეს რა ჭირი გვჭირს, ესენი როგორ ვერ მოვიშორეთ?!
დესტრუქცია მთლიანად ანგრევს პოლიტიკური პროცესების კონსტრუქციულად განვითარების პერსპექტივას!
დესტრუქცია ადამიანებს აპირისპირებს და საზოგადოების ჩამოყალიბებას აფერხებს!
მოკლედ, ასე:
ან ამათ ამოვკვეთავთ, ანდა ეს სიმსივნე მთლიანად მოედება საქართველოს პოლიტიკურ სხეულს და დავუკრათ მერე “თავო ჩემო…”
თუმცა, რაღა მერე, დავიწყოთ რეპეტიცია!”, – წერს ბონდო მძინარაშვილი.