სასტუმრო „პარაგრაფის“ ერთ-ერთ თანამშრომელს კორონავირუსი დაუდგინდა.
ამის შესახებ ინფორმაცია საქართველოს პირველ არხს სასტუმროს პრესსამსახურის წარმომადგენელმა დაუდასტურა.
„პიროვნება, რომელსაც დაუდასტურდა „კოვიდ-19“, არ არის სასტუმრო „პარაგრაფის“ შტატიანი თანამშრომელი. ის იმყოფებოდა სასტუმროში დროებით, ცხოვრობდა ბათუმში ოჯახთან ერთად. აღნიშნულ პიროვნებას დაუდასტურდა „კოვიდ-19“ თბილისში გუშინ და გადაყვანილი იქნა სამედიცინო დაწესებულებაში. ეს არის ცნობილი ბათუმის კლასტერი, მისი ოჯახი იყო ბათუმში, იქ ისვენებდნენ. შესაბამისად, ცნობილი ბათუმის კლასტერია. სასტუმროს ტერიტორიაზე კოვიდის დადასტურებული შემთხვევა ჩვენ არ გვაქვს“, – აცხადებენ პრესსამსახურში.
ამასთან, პრესსამსახურში განმარტავენ, რომ ოთხ თანამშრომელს, ვინც უშუალოდ იყო ინფიცირებულთან კონტაქტში, კვლევა უტარდება.