სასტუმრო სივრცეები, სადაც განთავსებულები არიან კოვიდინფიცირებულები, სახლში მკურნალობის პრაქტიკას უდრის. უბრალოდ, გამომდინარე იქიდან, რომ ძალიან ბევრ მოქალაქეს არა აქვს იმის ფიზიკური შესაძლებლობა, რომ ოჯახში დარჩეს იზოლირებული, ჩვენ სასტუმროში მკურნალობის პრაქტიკას წარმატებულად ვაგრძელებთ – ამის შესახებ ჯანდაცვის მინისტრმა იმედის გადაცემა „ღია ეთერში“ განაცხადა.
ეკატერინე ტიკარაძის თქმით, პარალელურ რეჟიმში, ეტაპობრივად ჩაერთვება პირველადი ჯანდაცვის ექიმების მხრიდან ბინაზე მონიტონიგიც.
კითხვაზე, ელოდებით თუ არა ინფიცირებულთა რაოდენობის კლებას, ჯანდაცვის მინისტრი პასუხობს: „ეს იქნებოდა რა თქმა უნდა ძალიან კარგი, მაგრამ ალბათ ეს ანონსი იქნებოდა მიზანშეწონილი, თუ ჩვენ ვიქნებოდით გაზაფხულის ფაზაში, როდესაც ზოგადად არის ინფექციის კლება. ამ ეტაპზე ჩვენი მიზანი უფრო მეტად არის ინფექციის რაოდენობრივი ზრდის დასტაბილურება და მისი კონტროლი. თუმცა ერთნიშნა და ორნიშნა რიცხვებზე დასვლა ხანგრძლივი დროით, მოლოდინის რეჟიმში არ დგას“- განაცხადა ეკატერინე ტიკარაძემ.