მიმდინარე წლის განმავლობაში ნაძალადევის რაიონში 23 საცხოვრებელი კორპუსის სახურავი რეაბილიტირდა, რისთვისაც ნაძალადევის რაიონის გამგეობის ბიუჯეტიდან 345 278 ლარი გამოიყო.
ერთ-ერთი პროექტი გურამიშვილის გამზირი N33-ში განხორციელდა, სადაც კორპუსის სახურავი სრულად შეიცვალა. სარეაბილიტაციო სამუშაოები 1 200 კვ.მ ფართობზე შესრულდა.
ასევე, უახლოეს პერიოდში ამავე მისამართზე ახალი წყალსაწრეტი მილები 300 გრძივ მეტრზე მოეწყობა.
დასრულებული და დაგეგმილი სამუშაოების შესახებ ადგილობრივ მცხოვრებლებს ნაძალადევის რაიონის გამგებელი ირაკლი ხელაძე თბილისის საკრებულოს მაჟორიტარ დეპუტატ ალექსანდრე ხუჯაძესთან ერთად ესაუბრა.
გურამიშვილის გამზირი N33 კორპუსში სახურავისა და წყალსაწრეტი მილების რეაბილიტაციის პროექტის ღირებულება 38 789 ლარია.
კომენტარები