კახეთში კორონავიურისის 4 ახალი შემთხვევა დაფიქსირდა. მათ შორის არიან 3 თვის ჩვილის ოჯახის წევრები.
ბავშვის მშობლების და ბების ბიოლოგიურ ნიმუშზე დადებითი პასუხი ცოტა ხნის წინ გახდა ცნობილი.
რაც შეეხება მე-4 შემთხვევას. ინფიცირებული სოფელ გვიმრიანის მცხოვრებია, მას აჭარაში მოგზაურობის ისტორია აქვს. ინფორმაციას ლაგოდეხის ჯანდაცვის ცენტრში ადასტურებენ.
მათი ინფორმაციით, მიმდინარეობს კონტაქტების მოძიება. ინფიცირებულებს კი სპეციალიზირებულ კლინიკაში მოათავსებენ.
ამ დროის მონაცემებით რეგიონში COVID-19 ლაბორატორიულად 43 მოქალაქეს დაუდასტურდა. მოქალაქეების ძირითადი ნაწილის ინფიცირების წყარო აჭარის კლასტერს უკავშირდება.
კომენტარები
