ოკუპირებულ აფხაზეთში კორონავირუსისგან კიდევ ერთი ადამიანი გარდაიცვალა.
კორონავირუსგან დაცვის ე.წ. ოპერატიული შტაბის ინფორმაციით, 28 სექტემბერს გუდაუთის საავადმყოფოში კორონავირუსით 58 წლის კაცი გარდაიცვალა. ის საავადმყოფოში 9 სექტემბერს სუნთქვის უკმარისობით და ორმხრივი პნევმონიით შეიყვანეს. ის თავდაპირველად სახლში თვითმკურნალობას ეწეოდა და მისი ჰოსპიტალიზირება მხოლოდ მდგომარეობის გაუარესების შემდეგ მოხდა. პაციენტი 20 სექტემბრიდან ფილტვების ხელოვნური ვენტილაციის აპარატზე იყო, თუმცა 28 სექტემბერს გულ-ფილტვის მწვავე უკმარისობით გარდაიცვალა.
კომენტარები