ზუგდიდელი ორი კოვიდინფიცირებული გარდაიცვალა.
რეგიონის სახელმწიფო რწმუნებულის მოვალეობის შემსრულებლის, მალხაზ თორიას ინფორმაციით, გარდაცვლილთაგან ერთი 64 წლის ქალია, რომელიც მკურნალობის კურსს ქუთაისის კოვიდკლინიკაში გადიოდა, ხოლო მეორე კი 65 წლის კაცია, რომელიც თბილისის კლინიკაში მკურნალობდა.
მალხაზ თორიას განცხადებით, ორივე კოვოდინფიცირებულ პაციენტს თანმხლები დაავადებები ჰქონდა.
რეგიონში დღეს კორონავირუსის 60 ახალი შემთხვევა დაფიქსრირდა, აქედან 26 შემთხვევა დაფიქსირდა ზუგდიდში, 12 შემთხვევა ფოთში, 6 შემთხვევა სენაკში, ასევე 6 შემთხვევა დაფიქსირდა მესტიაში, 5 შემთხვევა დაფიქსირდა ხობში, 4 წალენჯიხაში, 1 კი ჩხოროწყუში.
მალხაზ თორიას თქმით, მათი ნაწილი უკვე დადასტურებული შემთხვევების კონტაქტები არიან, ხოლო ნაწილი ახალი შემთხვევებია და ისინი ცხელებით შესული პაციენტები არიან.