ჯანდაცვის მინისტრი ეკატერინე ტიკარაძე მთავრობის ადმინისტრაციაში გამართულ ბრიფინგზე ხონში კორონავირუსით ცოლ-ქმრის გარდაცვალების ფაქტს გამოეხმაურა.
მისივე თქმით, ჯანდაცვის სექტორი პასუხისმგებლობას იღებს, თუმცა, როცა პაციენტის მდგომარეობა რთულდება ან გვიან ფიქსირდება ინფიცირების შემთხვევა ამ ყველაფერზე მხოლოდ ექიმებს პასუხის გაცემა გაუჭირდებათ.
„ვიცნობ კონკრეტულ შემთხვევებს და ამ შემთხვევების გარდა სხვა შემთხვევებსაც ვიცნობ. აქ მნიშვნელოვანია დროულობა და ეფექტურობა. ამ ფაქტთან დაკავშირებით ის, რომ არ დაუდასტურდა ვირუსი და შემდეგ რამდენიმე დღის შემდეგ დაუდასტურდა, ეს არ მეტყველებს იმაზე, რომ რაიმე ხარვეზი იყო ტესტირების კომპონენტში. ეს მეტყველებს იმაზე, რომ ჩვენ ნებისმიერ დღეს და ნებისმიერ წუთს ვდაგავართ იმის რისკის წინაშე რომ შეიძლება დავინფიცირდეთ.
სწორედ აქედან გამომდინარე პირველი და მნიშვნელოვანი არის ის, რომ თავი უნდა დავიცვათ და დისტანციის არ დაცვა გვაყენებს ყველაზე დიდ ზიანს. ჯანდაცვის სექტორი რა თქმა უნდა იღებს ყველა ასეთ ფაქტზე პასუხისმგებლობას და ჩვენ პასუხისმგებლობას არ გავურბივართ, თუმცა ისეთი შემთხვევები, როცა უკვე რთულდება პაციენტის ჯანმრთელობის მდგომარეობიდან გამომდინარე ან გვიან დაფიქსირებული შემთხვევიდან გამომდინარე ამ ყოველივეზე გაუჭირდებათ მხოლოდ ექიმებს პასუხის გაცემა და პასუხისმგებლობის აღება.
თუმცა მერწმუნეთ, რომ ჩვენ 24 საათის განმავლობაში ვმუშაობთ, რომ მსგავსი შემთხვევები იყოს მინიმუმამდე დაყვანილი და სამინისტროს პირველი რგოლიდან ბოლო რგოლამდე ყველა არის ჩართული თითოეულმა პაციენტმა მიიღოს შესაბამისი მკურნალობა“, – აღნიშნა ეკატერინე ტიკარაძემ.