თბილისის მერიის მედიასთან ურთიერთობის სამსახურის ხელმძღვანელი მანანა თოქმაჯიშვილი სოციალურ ქსელში პოსტს აქვეყნებს.
“ამას წინათ ერთ-ერთ შეხვედრაზე ასაკოვანი, სანდომიანი კაცი მოვიდა და მითხრა: დღემდე მახსოვს თქვენი ხმა და თქვენი გადაცემები რადიო “იმედიდან” და სულ მინდოდა თქვენი გაცნობაო. ეს იყო ყველაზე დიდი საჩუქარი, რაც მსმენელისგან მიმიღია, რადგან საკმაოდ დიდი ხანია ჟურნალისტი აღარ ვარ.
იყო დრო, ყველა ოჯახში ჩართული ტელე “იმედის” ეკრანიდან მხოლოდ რადიოს ხმა ისმოდა. მანამდე იყო “იმედის” დარბევა და გათიშული ეთერი; კრიტიკული მედიის და კრიტიკული აზრის გაქრობის მცდელობა; 8 ნოემბრის დილა გაყინული სიჩუმით და უიმედობით…
დღეს ე.წ კრიტიკული მედია ეკრანიდან აბულინგებს და ლანძღავს ყველას, ვისაც მეხსიერებაში ის წლები შემორჩა და მათგან განსხვავებული მოსაზრებები აქვს.
იმედი მაქვს, ჩემს კედელზე მაინც მაქვს უფლება ვთქვა- დიახ, მე მახსოვს 7 ნოემბერი.”