საქართველოს ერთ დღეში კორონავირუსით 45 გარდაცვლილი ჰყავს. 11 ნოემბრის კოვიდსტატისტიკა დღესაც საგრძნობლად გაუარესებულია. ინფიცირებულთა რაოდენობა ისევ ათასობით იმატებს და ამ დროისთვის მსოფლიოში გავრცელებულ ინფექციას საქართველოში 16 750 პაციენტი ებრძვის. ვირუსის გავრცელების ტემპი ვერ შეაჩერა მათ შორის რამდენიმე ქალაქში მკაცრი შეზღუდვების ხელახალმა დაწესებამ.
გარდაცვლილთა ყველაზე დიდი რაოდენობა თბილისშია, დედაქალაქში 18 ადამიანი გარდაიცვალა, 14 ადამიანი ემსხვერპლა COVID-19-ს აჭარაში.
“სამწუხაროდ აჭარაში 14 პაციენტი გარდაიცვალა, აქედან ბათუმის საერთაშორისო ჰოსპიტალში 3, ბათუმის სამედიცინო ცენტრში 4, ბომონდში1, მედცენტრში 1, ქობულეთის სამედიცინო ცენტრში 2 და ბათუმის რესპუბლიკურ საავადმყოფოში 3,”- განაცხადა რესპუბლიკური საავადმყოფოს მთავარმა ექიმმა გია კიკაბიძემ.