ბოლო 24 საათის განმავლობაში მსოფლიოში „კოვიდ-19“-ის ლეტალური შემთხვევების რიცხვი რეკორდულად გაიზარდა.
ბოლო დღე-ღამის განმავლობაში „კოვიდ-19“-ით 11 617 ადამიანი გარდაიცვალა. ინფორმაციას „გარდიანი“ ჯონს ჰოპკინსის უნივერსიტეტის მონაცემებზე დაყრდნობით ავრცელებს.
რეკორდულად გაიზარდა ინფიცირებულთა რაოდენობაც. ბოლო 24 საათის განმავლობაში გამოვლინდა ინფიცირების 666 000 შემთხვევა.
პანდემიის დაწყებიდან დღემდე კორონავირუსი 52 მილიონზე მეტ ადამიანს დაუდასტურდა, მათ შორის 1,3 მილიონი გარდაიცვალა.
კომენტარები