მმართველი გუნდი ოპოზიციას მოუწოდებს, არსებული ინსტიტუტების გამოყენებით გააგრძელონ პოლიტიკური დებატები და შეასრულონ საერთაშორისო თანამეგობრობის ცხადი მოწოდებები.
“ქართული ოცნების” წევრის, გიორგი ხელაშვილის განცხადებით, აუცილებელია ოპოზიციამ კონსტრუქციული პოზიცია დაიკავოს.
“საერთაშორისო თანამეგობრობის მხრიდან არის ძალიან ცხადი სიგნალები იმის შესახებ, რომ საქართველოს ხელისუფლებამაც და ოპოზიციამაც უნდა გამოიყენოს არსებული ინსტიტუტები, არსებული ფორმატები და უპირველეს ყოვლისა, ქვეყნის მთავარი დემოკრატიული ინსტიტუტი – პარლამენტი, იმისთვის, რომ გაგრძელდეს საუბარი, პოლიტიკური დებატები და ქვეყნის მშენებლობა. ჩვენ მოვუწოდებთ ოპოზიციას, დაიკავონ ის კონსტრუქციული პოზიცია, რომლისკენაც მათ უბიძგებს ხალხი, რომლისკენაც მათ უბიძგებს საერთაშორისო თანამეგობრობა. არეულობას არც მათთვის მოაქვს კარგი, არც სახელმწიფოსთვის და არც მთავრობისთვის და ამ ვითარებაში სიტუაციის არევის მცდელობა, მხოლოდ და მხოლოდ უპასუხისმგებლობაა,” – განაცხადა გიორგი ხელაშვილმა.