უამინდობის გამო ბახმაროში გზა ჩაიკეტა. კურორტზე, ამ დროისთვის, დაახლოებით 50-მდე მანქანაა ჩარჩენილი. ჩოხატაურის მერის განცხადებით ადგილზე საგზაო-სატრასპორტო დეპარტამენტის წარმომადგენლები უკვე იმყოფებიან და მიმდინარეოსბ გზის გაწმენდითი სამუშაოები. ირაკლი კუჭავას თქმით, ადგილზე, უამინდობის დროს, მოუმზადებელი სატრანსპორტო საშუალებით გადაადგილება არ შეიძლება, პრობლემის წარმოქმნის მთავარი მიზეზიც, მისი თქმით, სწორედ ეს ფაქტი გახდა.
“გარდა სპეციალური ტექნიკისა, იკრძალება ამ მონაკვეთზე გადაადგილება. ეს მანქანები ავიდნენ გუშინ, თუ გუშინწინ. როგორც მეუბნებიან, დაახლოებით, 60 ერთეული მანქანა. ადგილზე არის ჩვენი წარმომადგენელიც.
ბახმაროს ტერიტორიაზე გადაადგილება ხდება, ჩვეულებრივად, არის ამოსასვლელი ადგილი, სადაც, ჯერჯერობით, დაახლოებით 50 სმ-ა თოვლის საფარი იქ ვერ ხდება ამოსვლა.
თოვის ინტენსივობა კლებულობს,” – ამბობს კუჭავა.