რუსეთი აცხადებს, რომ წინასწარი მონაცემებით, კორონავირუსის რუსული ვაქცინა სპუტნიკ 5 95%-ით ეფექტიანია, რაც წარმატების ისეთივე მაჩვენებელა, როგორიც Pfizer-ის და Moderna-ს ვაქცინების.
რუსეთის ხელისუფლების წარმომდგენლებმა ასევე თქვეს, რომ მათი ვაქცინა უფრო ეფექტიანია ვიდრე Oxford/Astrazeneca-ს ვაქცინა.
“სპუტნიკმა აჩვენა მაღალი ეფექტიანობა, 95%-ზე მაღალი. ეს არის უდავოდ ადებითი ამბავი არა მხოლოდ რუსეთისთვის, არამედ მთელი მსოფლიოსთვის და ყველა ქვეყნისთვის”- ამბობს კირილ დმიტრიევი, რუსეთის პირდაპირი ინვესტიციების ფონდის ხელმძღვანელი.
რუსეთის ოფიციალური მონაცემებში ყველა დარწმუნებული არაა. ეჭვები აღძრა იმ ფაქტმა, რომ რუსეთის ხელისუფლებამ ნაჩქარებად გასცა ვაქცინის ლიცენზია ვიდრე კვლევის მესამე ფაზის შედეგები ხელმისაწვდომი გახდებოდა. ვაქცინის შეძენის და შენახვის მიმართ ინტერესი ბევრმა ქვეყანამ გამოხატა, მაგრამ მათ შორის თითქმის არცერთი არაა დასავლეთის ქვეყანა. ერთადერთი ევროკავშირის წევრი ქვეყანა, რომელმაც ინტერესი გამოხატა უნგრეთია.
სპუტნიკის შედეგები ეყრდნობა 42 დღიან კვლევას, რომელშიც 19 000 მონაწილემ მიიღო ვაქცინის ორი ოზა და 21 000 მონაწილემ ერთი ოზა. ადრეული მონაცემების თანახმად, ვაქცინას აქვს დაახლოებით 91.4%-იანი ეფექტიანობა მონაწილეების მიერ პირველი დოზის მიღების შემდეგ.
კირილ დმიტრიევი, რომელსაც ვაქცინის საზღვარგარეთ გაყიდვა დაევალა, ამბობს რომ საერთაშორისო ბაზარზე ვაქცინის ფაზი $10-ზე მეტი არ იქნება, რაც Pfizer-ის ვაქცინაზე ორჯერ ნაკლებია. მისი თქმით, მომდევნო წლის განმავლობაში 1 მილიარდ დოზას აწარმოებენ.
უნგრეთი ერთადერთი ევროკავშირის ქვეყანაა, რომელმაც ვაქცინის მიმართ სერიოზული ინტერესი გამოხატა. გასულ კვირას ბუდაპეშტში ვაქცინის ათი ნიმუში ჩაიტანეს.