„მათი შეურაცხყოფა ჩვენი შეურაცხყოფაა. მე მრცხვენია და მათ ვუხდი ბოდიშს ყველას მაგივრად“,- ამის შესახებ სალომე ზურაბიშვილმა პარლამენტში სიტყვით გამოსვლის დროს, სამედიცინო პერსონალზე საუბრისას განაცხადა.
როგორც პრეზიდენტი ამბობს, მათი დისკრედიტაციის მიზანი საზოგადოებაში ნდობის დაკარგვაა.
„აგრესიის ქარცეცხლში მოყვნენ ექიმებიც, რომელთა თავდადება პანდემიასთან ბრძოლის უმძიმეს დღეებში მხოლოდ მადლიერებას იმსახურებს. მათი შეურაცხყოფა ჩვენი შეურაცხყოფაა. მე მრცხვენია და მათ ვუხდი ბოდიშს ყველას მაგივრად. ეს დესტრუქციული კამპანიის მიზანიც ნათელია. ნდობა, რომელმაც განაპირობა პანდემიის პირველ ეტაპთან გამკვლავება, უნდა შეირყეს და შეიცვალოს სკეპტიციზმით, რაც კიდევ უფრო დაამძიმებს კიდევ უფრო მძიმე ვითარებას“,- განაცხადა სალომე ზურაბიშვილმა.
მეათე მოწვევის პარლამენტმა მუშაობა დაიწყო. სხდომა ცოტა ხნის წინ საქართველოს პრეზიდენტმა, სალომე ზურაბიშილმა გახსნა.
პარალელურ რეჟიმში, ოპოზიციური პოლიტიკური პარტიები პარლამენტში უფლებამოსილების შეწყვეტასა და პარტიულ სიებთან დაკავშირებით მემორანდუმს ხელს აწერენ.