სარდანაძეების ოჯახი თერჯოლის მერიას, თერჯოლის მერს ლაშა გოგიაშვილს და „ქართული ოცნების“ ფრაქციის ხელმძღვანელს, მამუკა მდინარაძეს მადლობას უხდის.
მათი თქმით, სოფელ ღვანკითში წლების განმავლობაში ვერ ჩადიოდნენ, რადგან სახლი დაზიანებული იყო, ახლა კი თერჯოლის მერიის დახმარებით, ახალ წელს საკუთარ სახლში შეხვდებიან.
„ახალი წელი დგება და ძალიან გახარებულები ვართ მთელი ოჯახი. წლების განმავლობაში ვერ ჩავდიოდით ღვანკითში, სადაც უამინდობამ სახლი დაგვიზიანა. იმის გამო, რომ სოციალურად ძალიან გაგვიჭირდა, მივმართე თერჯოლის მერიას, მერს ლაშა გოგიაშვილს, ასევე მამუკა მდინარაძეს და დახმარება ვთხოვე. დღეს უკვე ჩემი სახლი, სადაც მე, ჩემი შვილი და მეუღლე წლები ვერ ჩავდიოდით, ჩავალთ და ახალ წელს შევხვდებით. ჩემო შვილებო, მამუკა და ლაშა, უდიდეს მადლობას გეუბნებით, გაჭირვების ჟამს რომ მომეცით საშუალება, ჩავიდეთ საკუთარ სახლში. ჯანმრთელობამ ძალიან დაგვამძიმა, ჩემთვის უდიდესი ბედნიერებაა, რომ დღეს ჩემს შვილს გაუჩინეთ იმედი, რომ ის თერჯოლას, ღვანკითს არ მოშორდება და მის წარმატებას დაუკავშირებს ამ მშვენიერ რაიონს“, – წერს სარდანაძეების ოჯახი სამადლობელ წერილში.