ანალიტიკოსი ედიშერ გვენეტაძე სოციალურ ქსელში „ნაციონალური მოძრაობის“ მიერ თავმჯდომარის პოსტზე ნიკა მელიას დანიშვნას ეხმაურება და წერს:
„ნაციონალური მოძრაობის“ მიერ თავმჯდომარის პოსტზე ნიკანორ მელიას დანიშვნამ ნათლად დაადასტურა კლასიკური გამონათქვამი: “არ გათეთრდების ყორანი რაც უნდა ხეხო ქვიშითაო”.
რატომ? იმიტომ რომ “კანონიერი” კრიმინალური სექტის სათავეში უნდა იყოს კრიმინალი და გუშინდელ ე.წ. “სხოდკაზე” ნიკანორი კიდევაც დანიშნეს!
კრიმინალური სექტის მეთაური უნდა იყოს სახელმწიფო გადატრიალების მოტრფიალე და ის ნიკანორია!
ის ნიკანორია, რომელიც მთელი მსოფლიოს თვალწინ მოუწოდებდა მეამბოხეებს პარლამენტში შეჭრას და ქვეყნის აყირავებას!
ეს ის ნიკანორია, რომელიც არ სცნობს და არჩევნებიდან მოკლე ხანებში ლეგიტიმურად აღიარებულ არჩევნებს და მოუწოდებდა მისი და სხვისი ბანდის წევრებს შეჭრილიყვნენ ცესკო-ს შენობაში!
ეს ის ნიკანორია, რომელიც მის დამნიშნავ კრიმინალურ სექტასთან ერთად ყოველ წუთას და ყოველ წამს ოცნებობს ძალადობრივი გზით ხელისუფლების შეცვლაზე!“ – წერს ედიშერ გვენეტაძე.