ადვოკატი ირმა ჭკადუა ეხმიანება არასამთავრობო სექტორის სკეპტიკურ დამოკიდებულებას ამნისტიის კანონპროექტთან დაკავშირებიღ:
“ვერასდროს წარმოვიდგენდი, რომ როგორც იურისტი და უფლებადამცველი, ჩემივე კოლეგებს დავუპირისპირდებოდი ისეთ საკითხთან დაკავშირებით, როგორიც ამნისტიაა. გამაოგნებელია, როცა უფლებადამცველებს, რომლებმაც წარსულში კარიერა პატიმრების უფლებების დაცვის ხარჯზე გაიკეთეს, დღეს აღარ ადარდებთ მათი ბედი.
ყველა პატიმარმა და მათმა ოჯახის წევრებმა უნდა იცოდნენ, რომ ამ ქვეყანას ჰყავს სახალხო დამცველი, რომელიც არა თუ მონაწილეობს პროცესში, არამედ საჯაროდ მხარიც კი არ დუჭირა ინიციატივას ამინისტიის შესახებ! ამ ქვეყანას ჰყავს “საია”-ს ყოფილი თავმჯდომარე, რომელიც ამინისტიას სკეპტიკურად უყურებს!
აფერუმ მათ ამ სულმოკლე საქციელისთვის!
სამწუხაროდ, ეს არის მოცემულობა, რომელიც კრიტიკასაც ვერ უძლებს. უფლებადამცველმა მხარი არ დაუჭიროს ამინისტიას, ეს იგივეა ექიმმა უარი თქვას პაციენტის ზრუნვაზე!
დანარჩენი საზოგადოებამ თავად შეაფასოს… მე კი მსურს მოვუწოდო საკანონმდებლო ორგანოს, ადვოკატებს, უფლებადამცველებს: ყველაფერი გავაკეთოთ იმისათვის, რომ შედგეს ეს ჰუმანური აქტი! ჩვენ გვიყურებს ასობით პატიმრის არასრულწლოვანი შვილი, მოხუცი მშობლები, მეუღლეები და ვინ იცის, რამდენი ადამინი შემოგვყურებს იმედით?!
კიდევ ერთხელ, მივესალმები ამ ჰუმანურ აქტს! მივესალმები პატიმართა შეწყალებას, განსაკუთრებით მძიმე დანაშულების გარდა!”– წერს ირმა ჭკადუა.