წალენჯიხის სოფლებში სქურსა და მედანში, ტყეში გაჩენილი ხანძარი ლიკვიდირებულია.
აღნიშნულ სოფლებში ცეცხლის კერები გუშინ, საღამოს საათებში, თითქმის ერთდროულად გაჩნდა. მთელი ღამის განმავლობაში ადგილზე მობილიზებული იყო მაშველთა ჯგუფები და ტექნიკა.
სოფელ მედანში არსებობდა საშიშროება, ცეცხლის მოსახლეობაში გავრცელებულიყო, თუმცა მაშველების ძალისხმევით ხანძრის ლოკალიზება დროულად მოხდა.
სოფელ სქურში კი სამუშაოებს აფერხებდა რთული რელიეფი, რის გამოც ცეცხლის კერამდე მისასვლელად მაშველები ქვეითად გადაადგილდებოდნენ. ხანძრის შედეგად, დაახლოებით 3 ჰექტრამდე ფართობი დაიწვა.
კომენტარები