ოკუპირებულ სოხუმში ხანძრის ახალი კერა დაფიქსირდა. არაღიარებული რესპუბლიკის საგანგებო სიტუაციათა სამინისტროს პრეს-მდივნის, რომან ლამბიას ინფორმაციით, ცეცხლი სოხუმის რაიონში მდებარე სოფელ ეშერას ტყის ზოლს გაუჩნდა.
ხანძრის სალიკვიდაციო სამუშაოებში ორი სახანძრო მანქანაა ჩართული. ხანძრის გამო დაკვამლიანება სოხუმშიც შეინიშნება.
ცეცხლს გაგრაში უკვე რამდენიმე დღეა, ებრძვიან. ადგილობრივი სახანძრო სამსახურის ინფორმაციით, დასახლებულ რაიონებთან ცეცხლის, ჩაქრობა მოხერხდა ტყეებსა და ძნელად მისადგომ ადგილებში კი ვითარების გაკონტროლება ვერ ხერხდება. ახალი კერები გაჩნდა ახალი ათონის მიდამოებსა და ოჩამჩირეშიც.
კომენტარები