ზუგდიდში, ლომთათიძის ქუჩაზე, დევნილთა დასახლებაში ხანძარი იყო. ხანძრის შედეგად ორსართულიანი შენობის მეორე სართული სრულად დაიწვა.
შენობაში აფხაზეთიდან დევნილი ოთხი ოჯახი ცხოვრობდა. როგორც დაზარალებულები აცხადებენ, მთლიანად დაიწვა მათი კუთვნილი საყოფაცხოვრებო ნივთები. შემთხვევის ადგილზე 4 სახანძრო-სამაშველო ბრიგადა იყო მობილიზებული.
ხანძრის შედეგად არავინ დაშავებულა. ხანძრის გამომწვევ მიზეზად გაუმართავი ელექტროგაყვანილობა სახელდება.
კომენტარები