დღევანდელი დღე და აქცია პარლამენტთან იმ სულისკვეთების საპირისპიროა, რაც გუშინდელ შეხვედრაზე იყო, – ამის შესახებ პარტია „მოქალაქეების“ წევრმა, ალეკო ელისაშვილმა გუშინ, შარლ მიშელის ინიციატივით, ხელისუფლებისა და ოპოზიციის შეხვედრაზე საუბრისას განაცხადა.
მისი თქმით, გუშინდელი დღის მთავარი შეთანხმება იყო, რომ ორივე მხარემ უნდა შეარბილოს ტონი.
„მოლაპარაკებას ალტერნატივა არ აქვს, ძალიან მძიმე დღეშია ქვეყანა და იმის ნაცვლად, რომ ხალხის რეალურ პრობლემებზე ვფიქრობდეთ, რამდენიმე თვეა ეს ქვეყანა სიჯიუტით, უკომპრომისობით და ერთმანეთისადმი შეტევით გავჭედეთ. სიმართლე გითხრათ, გუშინ რაზეც შევთანხმდით და რაც მთავარი მოწოდება იყო, დღევანდელი დღე და აქცია პარალმენტთან იმ სულისკვეთების საპირისპიროა.
მოწოდება იყო, რომ იქნებ 2-კვირიან ვადაში მოხდეს რეალურ შეთანხმებამდე მისვლა, მაგრამ მანამდე გუშინდელი დღის მთავარი შეთანხმება იყო, რომ ორივე მხარემ უნდა შეარბილოს ტონი, მორჩეს მუშტების ბრახუნს, უნდა მორჩეს პროვოკაციულ ნაბიჯებს, დღევანდელი დღე და აქცია პარლამენტთან იმ სულისკვეთების საპირისპიროა, რაც გუშინდელ შეხვედრაზე იყო. ეს არის გულდასაწყვეტი და გაუგებარი.
გუშინ გვკითხა მიშელმა, გულწრფელად გვსურს თუ არა შეთანხმება, თუ გულწრფელად გვსურს შეთანხმება და ყველამ დაადასტურა, რომ გვინდა შეთანხმება. ხოდა, თუ გინდათ შეთანხმება, მოდით, შევთანხმდეთ რიტორიკის შეცვლაზე, პროვოკაციული ნაბიჯებისგან თავის შეკავებაზე და ვთქვით, რომ ვთანხმდებით, დღეს გავიღვიძეთ და არის აქცია. ჯერ ხომ სამარცხვინოა, რომ უცხოელების გარეშე ერთმანეთთან საუბარი არ შეგვიძლია, კიდევ კარგი, რომ ისეთი უცხოელი მეგობრები გვყავს, რომლებიც გვსვავენ და გვალაპარაკებენ, ისედაც ეს სამარცხვინო ამბავი გვჭირს და სიტყვის და შეთანხმების დარღვევა ქვეყნისთვის არის ცუდი“, – განაცხადა ალეკო ელისაშვილმა.