ოჯახური კონფლიქტის ბრალდებით დაკავებულ ზურაბ შავლიაშვილს ბრალი ოფიციალურად წარედგინა. შავლიაშვილი ახლა ყვარლის პოლიციის წინასწარი დაკავების იზოლატორში იმყოფება.
ადვოკატის მინარი მურღვაშვილის თქმით, მისი დაცვის ქვეშ მყოფი დანაშაულს არ აღიარებს.
36 წლის კაცის წინააღმდეგ გამოძიება 126-ე პრიმა მუხლით დაიწყო, რაც ოჯახში ძალადობას გულისხმობს.
შემთხვევა გუშინ, გურჯაანში, ვაჩნაძის ქუჩაზე მოხდა. ცოლ-ქმარს შორის დაწყებული დაპირისპირება 1 წლის ჩვილის გარდაცვალებით დასრულდა. კაცი მეუღლეს ფიზიკურად იმ დროს გაუსწორდა, როცა ქალს ჩვილი ხელში ეჭირა, რა დროსაც ბაშვმა სასიკვდილო დაზიანება თავის არეში მიიღო.
მომხდარზე ჩატარებულია შესაბამისი ექსპერტიზა. არ არის გამორიცხული დასკვნის შემდეგ დაკავებულ კაცს ბრალი დაუმძიმდეს.
ზურაბ შავლიაშვილის აღკვეთ ღონისძიებაზე გურჯაანის რაიონული სასამართლო ხვალ იმსჯელებს.