ბოლივიის ყოფილი დროებითი პრეზიდენტი ჯენინ ანეზი სახელმწიფო გადატრიალებაში მონაწილეობის ბრალდებით დააკავეს, – ამის შესახებ ინფორმაციას BBC-ი ავრცელებს.
ბოლივიის პროკურატურაში აცხადებენ, რომ ჯენინ ანეზმა და მინისტრებმა 2019 წელს მონაწილეობა მიიღეს იმდროინდელი პრეზიდენტის ევო მორალესის წინააღმდეგ სახელმწიფო გადატრიალების მოწყობაში.
ანეზის თქმით, ის მორალესის სოციალისტური პარტიის შურისძიების მსხვერპლია.
შეგახსენებთ, ევო მორალესი 2019 წელს არჩევნების გაყალბების წინააღმდეგ დაწყებული საპროტესტო ტალღის შემდეგ გადადგა და ბოლივია დატოვა. ამის შემდეგ ქვეყნის დროებითი პრეზიდენტი ჯენინ ანეზი გახდა. თუმცა, გასული წლის ოქტომბრის არჩევნებში ევო მორალესის პარტიამ დიდი უპირატესობით გაიმარჯვა, რამაც მორალესს გზა გაუხსნა, ქვეყანაში დაბრუნებულიყო და პარტიას სათავეში ჩადგომოდა.